Honda e
  • HREINN RAFBÍLL

    HREIN HÖNNUN

    Í nýja Honda e rafbílnum fara saman kraftmiklir aksturseiginleikar, þægindi eins og þau gerast mest og háþróuð tækni. Honda e er ekki frumgerð bíls heldur draumur sem rættist. Honda e er skapaður fyrir borgarakstur. Hann er kvikur og viljugur, einfaldur en hátæknivæddur, fyrirferðalítill en um leið rúmgóður. Akstursánægjan er ríkuleg og losunin að sjálfsögðu engin.

Samspil skýrrar hönnunar og háþróaðrar tækni leynist í hverjum drætti. Háskerpumyndavélar leysa hliðarspegla af hólmi. Með þessu eykst yfirsýn og það dregur úr heildarbreidd bílsins. Hurðarhúnarnir falla sléttir að hurðunum og skjótast fram þegar þarf að opna þær. Framljós, myndavélar og ratsjá eru samþætt í einni heildstæðri hönnun.

  • ÞITT RÝMI

    Friðsælt og einfalt umhverfi með afslöppuðu litavali og hágæða efnisvali. Það er bjart og rúmgott og hannað til að veita hámarks pláss og þægindi. Stafrænt mælaborð í fullri breidd heldur ökumanni upplýstum, býður upp á afþreyingu og tengir ökumann við það sem hann kann best að meta. Það veitir honum fulla stjórn yfir fjölda snjallaðgerða og þjónustuþátta.
    Ennfremur er hægt að sérsníða skjái stafræna mælaborðsins. Þú ert því alltaf í þínu sérsniðna rými hvar sem þú ert staddur.

Njótið aflsins

Rafmagn er hinn fullkomni orkugjafi fyrir borgarakstur. Hámarkskrafturinn er 154 hestöfl og togið 315 Nm sem skilar tafarlausri og þýðri hröðun án gírskiptinga. Nær fullkomin 50:50 þyngdardreifing, sjálfstæð fjöðrun og lágur þyngdarpunktur skila akstursupplifun sem einkennist af snöggu viðbragði og kvikleika. Útgangspunktur Honda e er að skila þægilegum og afslöppuðum akstri en vilji menn spretta úr spori er valin Sport stilling sem skilar auknum afköstum með meiri hröðun.

Þessu til viðbótar má hraða bílnum eða hægja á honum með Single Pedal stýringunni og er þá einungis notað eitt ástig. Stigið er á ástigið þegar tekið er af stað og af því til að hemla. Einfalt mál. Auk þess er hemlaástig sem má nota þegar þörf krefur.

Honda e einstaklega lipur í borginni. Beygjuhringurinn er einungis 4,3 metrar. „Handfrjáls” bílastæðavari Honda aðstoðar svo ökumann að leggja í jafnvel þrengstu bílastæði.

Tengilorka

Akstursdrægi Honda e er allt að 220 km sem er nægilegt drægi til vikulegs aksturs innan borgarmarkanna. Bíllinn er hlaðinn í gegnum aðgengilegt hleðsluinntak á vélarhlífinni. Búnaðinum fylgir LED mælir sem sýnir á einfaldan hátt hleðslustöðu rafgeymisins. Með hraðhleðslubúnaði* er hægt að ná 80% hleðslu inn á rafgeyminn á 30 mínútum – á skemmri tíma en það tekur að hlaða snjallsíma. *Nánari upplýsingar um hleðslu Honda e er að finna á tækniupplýsingasíðunni.

  • VERTU TENGDUR

    Honda e er bráðsnjall. Þú getur átt samskipti við hann með My Honda+ appinu í gegnum snjallsíma. Með þessu móti er meðal annars hægt að ákveða hleðslutíma, loka gluggum bílsins eða forhita innanrýmið sem er þægilegur kostur þegar kalt er í veðri. Það er jafnvel hægt að nota snjallsímann eins og stafrænan lykil til að læsa og aflæsa bílnum.

    Raddstýrði Honda Personal þjónustufulltrúinn getur haldið uppi eðlilegu samtali við ökumann. Með samhengisháðum skilningi lærist honum að veita ökumanni viðeigandi ráðgjöf sem taka mið af þörfum hans. Honda Personal þjónustufulltrúinn aðstoðar þig ef þú vilt upplýsingar um veður, næstu hleðslustöð, val á uppáhalds tónlistinni þinni eða veitingastað.